Паводле ацэнак арганізатараў, у вулічнай акцыі ў Мінску з нагоды гадавіны абвяшчэння БНР узяло ўдзел ад адной да трох да трох тысяч чалавек.
Як паведаміў БелаПАН лідэр Партыі БНФ Аляксей Янукевіч,
максімальны лік удзельнікаў, прыкладна дзве-тры тысячы, назіралася падчас шэсця ад кінатэатра "Кастрычнік" да парку Дружбы Народаў.Аднак да месца правядзення мітынгу частка людзей не дайшла, у выніку ў парку сабралася крыху больш за тысячу ўдзельнікаў, адзначыў Янукевіч.
Яшчэ адзін сябра аргкамітэта, намеснік старшыні Руху за Свабоду Юрась Губарэвіч, лічыць, што акцыя ўдалася. Ён адзначыў, што нягледзячы на не зусім спрыяльныя ўмовы надвор'я, у акцыі прыняло ўдзел больш за тысячу чалавек, людзі былі ў добрым святочным настроі.
Акцыя, заявіў Губарэвіч у каментары БелаПАН, выканала сваю галоўную мэту - нагадала беларускаму грамадству, што 95 гадоў таму была абвешчаная Беларуская Народная Рэспубліка, а таксама накіравала "ўсім свеце ясны сігнал, што ў беларусаў ёсць цвёрдая воля жыць у незалежнай дзяржаве і гатоўнасць адстойваць сваю свабоду".
Дакладнай інфармацыі пра затрыманых пакуль няма, але, па наяўных дадзеных, затрымана каля дзесяці чалавек, паведаміў Губарэвіч.Пры гэтым палітык са шкадаваннем паказаў на факты затрымання удзельнікаў акцыі ўжо пасля заканчэння мітынгу.
Каментары