«Экамедсэрвіс» выказаў спачуванні родным дзяўчыны, што памерла пасля пластычнай аперацыі
Спачуванне ад імя «Экамедсэрвісу» выказаў старшыня Савета заснавальнікаў кампаніі Уладзімір Каява, размясціўшы яго на сайце otzyvy.by.
«Калектыў медыцынскага цэнтра «Экамедсэрвіс» шчыра выказвае глыбокія спачуванні родным і блізкім нашага пацыента, і смуткуе разам з імі, — гаворыцца ў спачуванні, якое было апублікавана 27 красавіка. — Цяпер праводзіцца разбор здарэння, да завяршэння якога канчатковыя высновы аб прычынах, што прывялі да трагедыі, рабіць дачасна. З мэтай выканання заканадаўства Рэспублікі Беларусь, якое рэгулюе пытанні медыцынскай тайны, каментаваць у СМІ гэта пытанне нам не ўяўляецца магчымым».
Як паведамлялася раней, у канцы сакавіка ў медыцынскім цэнтры была зроблена аперацыя па рынапластыцы 23-гадовай жыхарцы Гродна.
Пасля аперацыі пацыентка ўпала ў кому і не выходзіла з гэтага стану прыкладна месяц. Так і не прыйшоўшы ў прытомнасць, дзяўчына памерла 23 красавіка ў 4-й клінічнай бальніцы Мінска. Праваахоўныя органы праводзяць праверку па факце смерці.
«Экамедсэрвіс» — адна з самых прэстыжных прыватных клінік у Мінску. Яна месціцца на вуліцы Талстога, каля вакзала. Спецыялізуецца на паслугах пластычнай хірургіі, стаматалогіі, дыягностыкі. У інтэрнэце сцвярджалася, што ўдзел у гэтым бізнэсе мае Уладзімір Пефціеў, былы ўласнік «Белтэхэкспарта» і чалавек, які трапіў пад санкцыі Еўрасаюза як магчымы фінансіст Аляксандра Лукашэнкі.
Цяпер чытаюць
Як у галечы співалася радня Лукашэнкі? Малавядомыя факты27
Каментары