Прэм'ер-міністр Беларусі Міхаіл Мясніковіч сустракае свой 63-ці дзень нараджэння на працоўным месцы, паведамілі ў прэс-службе ўрада.
Раніцай Мясніковіч сустрэўся са спікерам Савета народных прадстаўнікоў Народнай кансультацыйнай асамблеі Інданезіі Марзукі Алі, прыняў віншаванні ад калег і прадоўжыў працаваць па намечаным графіку.
***
Міхаіл Мясніковіч нарадзіўся 6 мая 1950 года ў вёсцы Новы Сноў Нясвіжскага раёна Мінскай вобласці. У 1972 годзе скончыў Брэсцкі інжынерна-будаўнічы інстытут, у 1989 годзе — Мінскую вышэйшую партыйную школу. Доктар эканамічных навук (1998).
Працаваў у вытворчым аб'яднанні Мінсквадаканал інжынерам, паступова дарос да пасады начальніка ўпраўлення прадпрыемстваў камунальнага абслугоўвання Мінскага гарвыканкама. З 1986 года — міністр жыллёва-камунальнай гаспадаркі БССР.
Падчас прэзідэнцкіх выбараў 1994 года ўзначальваў выбарчы штаб Вячаслава Кебіча. Пасля выбараў атрымаў прапанову працаваць у камандзе Лукашэнкі: у 1994—1995 гадах быў намеснікам прэм'ер-міністра Беларусі, у 1995 годзе прызначаны кіраўніком адміністрацыі прэзідэнта. З кастрычніка 2001 года стаў прэзідэнтам, а з кастрычніка 2004-га — старшынёй прэзідыума НАН Беларусі.
28 снежня 2010 года прызначаны прэм'ер-міністрам Рэспублікі Беларусь.
Каментары