Расійскае МЗС заявіла, што Раян Фогл павінен пакінуць краіну як мага хутчэй. Яго абвясцілі персонай нон грата.
Расея заявіла, што вышле з краіны супрацоўніка амбасады ЗША ў Маскве Райана Крыстафэра Фогла, якога падазраюць у спробе завэрбаваць супрацоўніка расейскіх спэцслужбаў.
Міністэрства замежных спраў Расеі абвясьціла, што спадар Фогл павінен пакінуць краіну як мага хутчэй. Яго абвясьцілі пэрсонай нон грата.
«Падобныя правакацыйныя дзеяньні ў духу „халоднай вайны“ не спрыяюць умацаваньню ўзаемнага даверу», — заявілі у МЗС Расеі.
Раней расейская Фэдэральная служба бясьпекі паведаміла, што затрымала ў Маскве супрацоўніка ЦРУ: «У ноч з 13 на 14 траўня органы контрвыведкі ФСБ Расеі пры спробе вярбоўкі супрацоўніка адной з расейскіх спэцслужбаў затрымалі кадравага супрацоўніка ЦРУ ЗША Фогла Райана Крыстафэра, які працуе пад прыкрыцьцём пасады трэцяга сакратара палітычнага аддзела пасольства ЗША ў Маскве», — гаворыцца ў паведамленьні ФСБ Расеі.
Прадстаўнік амбасады ЗША адмовіўся камэнтаваць гэтую інфармацыю. Пазьней у сувязі з гэтым затрыманьнем амбасадара ЗША ў Расеі Майкла Макфола выклікалі ў МЗС краіны для тлумачэньняў.
Паводле ФСБ, у затрыманага супрацоўніка пасольства выявілі спэцыяльныя тэхнічныя сродкі, пісьмовыя інструкцыі для расейскага грамадзяніна, якога павінны завэрбаваць, буйную суму грошай і сродкі для зьмены зьнешнасьці, — паведамляе ВВС.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары