13-гадовы магілёвец загінуў, перакуліўшыся на мотаўсюдыходзе
9 чэрвеня ў 16.30 ля вёскі Гародня Чавускага раёна 13-гадовы жыхар Магілёва, кіруючы без моташлема мотаўсюдыходам CAN-AM outlander-800 з рэгістрацыйным знакам РФ, рухаючыся па жвіровай дарозе, не выбраў бяспечную хуткасць, не справіўся з кіраваннем, у выніку чаго машына з'ехала ў левы па ходзе руху кювет і перакулілася. Непаўналетні вадзіцель загінуў, паведамілі ва ўпраўленні ДАІ МУС Беларусі.
У выхадныя дні пад колы аўтамабіляў трапілі два дзіцяці-веласіпедысты: у Столінскім раёне — сямігадовы, у Мінскім — 10-гадовы хлопчыкі. У абодвух выпадках дзеці з парушэннем правілаў дарожнага руху кіравалі веласіпедамі на праезнай частцы.
За пяць месяцаў 2013 года на дарогах краіны па віне веласіпедыстаў адбылося 34 ДТЗ, у якіх дзевяць чалавек загінулі і 25 атрымалі траўмы. Для параўнання, у 2012 годзе за аналагічны перыяд у 28 ДТЗ загінулі тры і пацярпелі 25 веласіпедыстаў. За гэты ж час атрымалі раненні 11 непаўналетніх веласіпедыстаў. Летась іх было на два менш.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты21
Каментары