«Сьцяўа» – БАТЭ 2:0.
Мара беларускіх балельшчыкаў убачыць гэтую восеньню на нашых стадыёнах “Мілян” ці “Чэлсі” ўсё ж ня спраўдзілася. Бухарэсцкі “Сьцяўа” вечарам у сераду пацьвердзіў свой кляс. У пачатку кожнага з таймаў яны забілі па голу ў барысаўскія вароты. Спачатку пасьля розыгрышу вуглавога гол забіў Дорыял Захарыя, а ў другім тайме хуткую атаку гаспадароў скончыў Адрыян Няга – 2:0.
Разам з тым, нельга сказаць, што БАТЭ паўстала перад бухарэсцкай публікай зусім кволенькай і бязьлікай камандай з другаснага эўрапейскага чэмпіянату. Беларусы пасьпяхова агрызалася і некалькі разоў проста цуд выратоўваў калюмбійскага брамніка “Сьцяўа”. Так, скажам, было на трэцяй хвіліне гульні, калі ў штангу трапіў Дзьмітры Платонаў. Забі ён тады, невядома, як мог бы скласьціся матч. Румынскія футбалісты вядомыя сваёй няўстойлівай псыхікай і ў выпадку такога нечаканага для сябе пачатку маглі банальна “паплысьці”.
Што б не было, але БАТЭ сёлета падарыў нашым заўзятарам незабыўныя хвіліны гонару і радасьці за беларускі футбол. Калі такое было ў апошні раз? Ня кожны і ўзгадае.
Нягледзячы на паразу, барысаўцы працягнуць эўракубкавы сэзон. У пятніцу яны даведаюцца суперніка па наступным раўндзе Кубку ЎЭФА. Па-ранейшаму неблагія шанцы прайсьці дацкі “Одэнсэ” мае менскае “Дынама”, яны гуляюць заўтра.
Вялікі футбол працягваецца.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»12
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары