Егіпецкі рух «Браты-мусульмане» заклікаў да паўстання супраць сіл, якія атрымалі ўладу ў краіне пасля адхілення ад улады прэзідэнта Махамеда Мурсі.
У заяве «Браты-мусульмане» заклікаюць егіпцян паўстаць супраць тых, хто «хоча скрасці рэвалюцыю, выкарыстоўваючы танкі». Таксама рух запатрабаваў, каб міжнародная супольнасць умяшалася ў сітуацыю ў краіне з мэтай «спыніць далейшае кровапраліцце», а таксама не дапусціць, каб Егіпет ператварыўся ў «новую Сірыю», дзе ідзе грамадзянская вайна.
Паводле ваенных, у панядзелак падчас разгону акцыі пратэсту «Братоў-мусульман» ля казармаў Рэспубліканскай гвардыі ў Каіры загінулі 42 чалавекі, яшчэ 322 чалавекі былі параненыя.З боку ваенных загінуў адзін чалавек, яшчэ 40 былі параненыя. Раней «Браты-мусульмане» паведамлялі, што ля казармаў загінулі 34 іх прыхільнікі.
Напярэдадні, 7 ліпеня, «Браты-мусульмане» заклікалі сваіх прыхільнікаў да масавых пратэстаў супраць дзеяньняў вайскоўцаў. Яны патрабавалі, каб людзі заставаліся на вуліцах, лічачы, што гэта дапаможа вярнуцца да ўлады былому прэзідэнту Мурсі.
Цяпер чытаюць
«Я пра мужоў-беларусаў чую толькі: «Ніколі зноў!» Чаму бчб-нявеста Іна Зайцава на год знікла з сацсетак і што з ёй цяпер?2
Каментары