Група грамадзян патрабуе спыніць прапаганду пагроз гвалту з боку Лукашэнкі
Дванаццаць жыхароў Магілёва накіравалі старшыні грамадскай рады па маральнасці Мікалаю Чаргінцу, генпракурору Аляксандру Канюку і міністру інфармацыі Алегу Праляскоўскаму ліст, у якім просяць не дапускаць публічных пагроз гвалту з боку кіраўніка дзяржавы.
Ініцыятарам звароту выступіў мясцовы актывіст незалежнага прафсаюза радыёэлектроннай прамысловасці Аляксей Паўлоўскі.
Пагрозу гвалту аўтары ліста ўгледзелі ў выступленні Аляксандра Лукашэнкі падчас нядаўняга наведвання ім Магілёўскай вобласці. У сюжэце, паказаным па беларускіх цэнтральных тэлеканалах 8 ліпеня, кіраўнік дзяржавы, закранаючы тэму вытворчасці кормаўборачнай тэхнікі, заявіў, што «зніме галаву» службовым асобам, калі выпушчаная тэхніка будзе няякаснай.
«Гэты рэпартаж бачылі па БТ не толькі дарослыя, але і дзеці. І ў свядомасці дзяцей, маладога пакалення, членаў БРСМ пагрозы жудаснай расправы — „адарваць галаву“ падпарадкаваным міністрам — з боку гаранта правоў і законнасці маладой незалежнай дзяржавы асацыюецца з фільмамі жахаў», — гаворыцца ў лісце.
Яго аўтары просяць кіраўніка грамадскай рады па маральнасці, які з`яўляецца старшынёй камісіі па правах чалавека і СМІ Палаты прадстаўнікоў, а таксама генпракурора і міністра інфармацыі «не дапускаць у СМІ паказ і публікацыю выказванняў кіраўніка дзяржавы, якія могуць негатыўна адбіцца на псіхіцы дзяцей, а таксама дыскрэдытаваць нашу сінявокую Беларусь у вачах сусветнай супольнасці».
У лісце гаворыцца пра неабходнасць абмеркаваць такія выказванні на спецыяльных слуханнях у Палаце прадстаўнікоў, а таксама абавязаць прэзідэнта Беларусі прынесці публічныя прабачэнні ў СМІ «зняважаным міністрам, дзецям і тэлегледачам».
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары