У сваім асабістым тыкток-акаўнце 23‑гадовы жлобінец рэкламаваў магічныя і акультныя паслугі, праводзіў стрымы і абяцаў хуткае вырашэнне праблем. Найбольшым попытам карысталася варажба на картах, зняцце псуты, абарона ад негатыву, рытуалы на шчасце, чыстка золата ад злога вока і адваджванне каханкі ад мужа, паведамляе Следчы камітэт.
Пакупнікі паслуг пералічвалі грошы, але выніку ад таго не бачылі. Толькі некаторыя з іх звярнуліся ў міліцыю, пасля чаго следчыя лёгка высветлілі асобу ашуканца — жлобінца, які афіцыйна нідзе не працуе.
З кастрычніка 2022 года па люты 2025 года ён ашукаў не менш за 128 чалавек па ўсёй Беларусі, атрымаўшы больш за 32 тысячы рублёў і залаты ланцужок. Узрост ахвяр — ад 22 да 61 года, кожны шосты — мужчына. Найбуйнейшыя сумы пералічылі 27‑гадовы жыхар Брэсцкай вобласці (больш за 3000 рублёў) і 38‑гадовая мінчанка (больш за 2500 рублёў).
Жлобінцу выставілі абвінавачванне па ч. 3 арт. 209 (махлярства ў буйным памеры) КК Рэспублікі Беларусь, яго змясцілі пад варту.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»39
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары