У тайландскім універсітэце Гітлера залічылі да супергерояў — фотафакт
Бангкокскі універсітэт імя караля Чулалангкорна 15 ліпеня выбачыўся за плакат з Адольфам Гітлерам, які з'явіўся каля будынка ВНУ, паведамляецца на старонцы навучальнай установы ў Facebook.На малюнак звярнуў увагу Цэнтр Сімона Візенталя, які апублікаваў крытычны каментар на сваім сайце.
Прадстаўнікі ўніверсітэта растлумачылі ў лісце ў цэнтр Візенталя, што студэнты, якія намалявалі плакат да выпускнога, не ўсведамлялі значэння свайго ўчынку. У пакаранне ім вынеслі вуснае папярэджанне.
Палатно з выявай Гітлера сярод супергерояў з коміксаў (Супермена, Бэтмена і Халка) з'явілася на мінулым тыдні каля будынка факультэта выяўленчых і прыкладных мастацтваў.На сайце цэнтра Сімона Візенталя апублікаваная фатаграфія, на якой маладая дзяўчына (мяркуючы па ўсім, выпускніца універсітэта) пазіруе са ўзнятай ў нацысцкім прывітанні рукой на фоне Гітлера.
Універсітэт Чулалангкорна з'яўляецца найстарэйшай вышэйшай навучальнай установай Тайланда.Ён быў заснаваны ў 1917 годзе каралём Рамам VI і названы ў гонар яго бацькі. Дыпломы выпускнікам уручае асабіста прынцэса Маха Чакры Сірыдхон. На гэты момант ва ўніверсітэце адкрыты 19 факультэтаў, а таксама 16 навуковых інстытутаў і каледжаў.
Латушка абвяргае абвінавачанні ў харасмэнце ад дэлегаткі КР Карпушонак83
Каментары