Вынесена пастанова суда па крымінальнай справе, звязанай з працэдурамі правядзення дзяржаўных закупак для аб’ектаў на тэрыторыі Беларусі, якія знаходзяцца на рэканструкцыі.
Як паведамілі ў аддзеле інфармацыі і сувязі з грамадскасцю Следчага камітэта Беларусі, крымінальная справа аб фактах атрымання хабару службовай асобай КУП «УКБ Мінаблвыканкама» расследавана галоўным упраўленнем па расследаванні злачынстваў у сферы арганізаванай злачыннасці і карупцыі СК.
Падчас следства ўстаноўлена, што намеснік начальніка аддзела камплектацыі УКБа, адказны за правядзенне закупак і тэндарных таргоў, вясной 2010 года дамовіўся з кіраўніком ТАА «Салідэйт» аб атрыманні грашовых узнагарод на сістэматычнай аснове ў памеры да 20% ад сумы кожнага дагавора, заключана гэтай фірмай з КУП «УКБ Мінаблвыканкама».
Апрача таго, матэрыяламі крымінальнай справы пацверджаны іншыя факты атрымання хабару ад кіраўнікоў розных суб’ектаў гаспадарання за выбар канкрэтных арганізацый у якасці пастаўшчыкоў тавараў для аб’ектаў УКБа і заключэнне з імі адпаведных дагавораў. Сума незаконных узнагарод, якія атрымліваў асуджаны, вар’іравалася ад 160 да 38.000 долараў ЗША. Агульная сума хабару эквівалентная не менш чым 440 млн. рублёў.
Прадукцыя, што рэалізуецца ТАА «Салідэйт» і іншымі арганізацыямі, пастаўлялася на такія аб’екты, як«Лячэбны корпус Мінскай абласной дзіцячай клінічнай бальніцы ў п. Бараўляны»,
Судом Маскоўскага раёна Мінска чыноўнік прызнаны вінаватым ва ўчыненні карупцыйных злачынстваў, прадугледжаных ч. 2, ч. 3 арт. 430 (атрыманне хабару), арт. 14, ч. 1 арт. 430 (замах на атрыманне хабару) Крымінальнага кодэкса і прыгавораны да дзевяці гадоў пазбаўлення волі з канфіскацыяй маёмасці, а таксама з пазбаўленнем права займаць пэўныя пасады ці займацца пэўнай дзейнасцю тэрмінам на пяць гадоў.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза19
Каментары