Vyniesiena pastanova suda pa kryminalnaj spravie, źviazanaj z pracedurami praviadzieńnia dziaržaŭnych zakupak dla abjektaŭ na terytoryi Biełarusi, jakija znachodziacca na rekanstrukcyi.
Jak paviedamili ŭ adździele infarmacyi i suviazi z hramadskaściu Śledčaha kamiteta Biełarusi, kryminalnaja sprava ab faktach atrymańnia chabaru słužbovaj asobaj KUP «UKB Minabłvykankama» rasśledavana hałoŭnym upraŭleńniem pa rasśledavańni złačynstvaŭ u śfiery arhanizavanaj złačynnaści i karupcyi SK.
Padčas śledstva ŭstanoŭlena, što namieśnik načalnika adździeła kamplektacyi UKBa, adkazny za praviadzieńnie zakupak i tendarnych tarhoŭ, viasnoj 2010 hoda damoviŭsia z kiraŭnikom TAA «Salidejt» ab atrymańni hrašovych uznaharod na sistematyčnaj asnovie ŭ pamiery da 20% ad sumy kožnaha dahavora, zaklučana hetaj firmaj z KUP «UKB Minabłvykankama».
Aprača taho, materyjałami kryminalnaj spravy paćvierdžany inšyja fakty atrymańnia chabaru ad kiraŭnikoŭ roznych subjektaŭ haspadarańnia za vybar kankretnych arhanizacyj u jakaści pastaŭščykoŭ tavaraŭ dla abjektaŭ UKBa i zaklučeńnie ź imi adpaviednych dahavoraŭ. Suma niezakonnych uznaharod, jakija atrymlivaŭ asudžany, varjiravałasia ad 160 da 38.000 dołaraŭ ZŠA. Ahulnaja suma chabaru ekvivalentnaja nie mienš čym 440 młn. rubloŭ.
Pradukcyja, što realizujecca TAA «Salidejt» i inšymi arhanizacyjami, pastaŭlałasia na takija abjekty, jak«Lačebny korpus Minskaj abłasnoj dziciačaj kliničnaj balnicy ŭ p. Baraŭlany»,
Sudom Maskoŭskaha rajona Minska čynoŭnik pryznany vinavatym va ŭčynieńni karupcyjnych złačynstvaŭ, praduhledžanych č. 2, č. 3 art. 430 (atrymańnie chabaru), art. 14, č. 1 art. 430 (zamach na atrymańnie chabaru) Kryminalnaha kodeksa i pryhavorany da dzieviaci hadoŭ pazbaŭleńnia voli z kanfiskacyjaj majomaści, a taksama z pazbaŭleńniem prava zajmać peŭnyja pasady ci zajmacca peŭnaj dziejnaściu terminam na piać hadoŭ.
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja6
Kamientary