У жлобінскага маладафронтаўца Кірылы Атаманчыка скончыўся ператрус. Пасьля гэтага яго ў прысутнасьці бацькі дапыталі ў мясцовым КДБ.
Ператрус ладзіўся супрацоўнікамі жлобінскага КДБ – маёрам Глянцэвічам і старшымі лейтэнантамі Коласам і Вавілавым. У хлопца сканфіскавалі сыстэмны блёк кампутара, шэсьць бел-чырвона-белых сьцягоў, балёнчыкі з фарбай і значкі.
Потым Кірылу выклікалі на допыт у КДБ, які вёў сьледчы Колас. Адбываўся ён у прысутнасьці бацькі Кірылы, бо Кірылa непаўналетні. Сьледчага цікавіла дзейнасьць маладога чалавека, яго прыналежнасьць да незарэгістраванага «Маладога фронту».
«Мяне дапытвалі ў якасьці сьведкі, пра крымінальную справу супраць мяне асабіста не вялося, але я не выключаю, што ў часе наступнага допыту мой статус зьменіцца» – патлумачыў К. Атаманчык. Чарговы допыт прызначаны на пятніцу 23 верасьня.
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?11
Каментары