Абое працавалі на прадпрыемстве «БелТАПАЗ».
Трагедыяй скончыўся працоўны дзень 4 кастрычніка на прадпрыемстве «БелТАПАЗ» у Гродне. У канцы працоўнай змены на машынным двары знайшлі целы двух кіроўцаў прадпрыемства, паведамляе тэлеканал АНТ.
Аднаго знайшлі каля эстакады. Другога — у кабіне МАЗа. Па словах калег загінулых, абодва кіроўцы былі сябрамі. Відавочцаў гібелі аднаго з іх няма, а вось другі забіў сябе на вачах калегаў. Пры гэтым выкрыкнуў, што не даруе сабе смерці сябра і ўсадзіў нож у вобласць сэрца.
Сяргей Шаршаневіч, афіцыйны прадстаўнік упраўлення Следчага камітэта па Гродзенскай вобласці: «Падчас агляду месца здарэння і апытання работнікаў прадпрыемства ўстаноўлена, што мела месца дарожна-транспартнае здарэнне, здзейсненае адным з кіроўцаў, пасля чаго ён сеў у кабіну свайго аўтамабіля МАЗ і скончыў жыццё самагубствам».
У Следчым камітэце праводзяць расследаванне ўсіх абставін здарэння. На месцы трагедыі працуюць эксперты.
Падрабязнасці трагедыі паведамляе tut.by. Загінулыя займаліся рамонтам машыны. Адзін з рабочых стаў паміж кузавам аўтамабіля і кабінай, а другі ў гэты час вырашыў зрабіць пробнае кола. Убачыўшы, што яго таварыш загінуў, мужчына проста ў кабіне нанёс сабе ўдар нажом у сэрца.
Каментары