Прыхільнікі апазіцыі на Мальдывах зладзілі акцыю пратэсту супраць дзеянняў паліцыі, якая перапыніла ход прэзідэнцкіх выбараў у краіне.
У суботу, калі павінна было адбыцца галасаванне, паліцыя не дала выбаркаму разаслаць выбарчыя бюлетэні, заявіўшы, што з трох кандыдатаў у прэзідэнты двое не ўхвалілі спісы выбаршчыкаў.
Выбарчая камісія Мальдываў абвінаваціла паліцэйскіх у перавышэнні паўнамоцтваў.
З моманту сыходу ад улады прэзідэнта Мальдываў Махамеда Нашыда, які адбыўся ў мінулым годзе пры спрэчных абставінах, астраўную дзяржаву ў Індыйскім акіяне сур'ёзна ліхаманіць.
Нашыда быў першым у гісторыі Мальдываў дэмакратычна абраным лідарам. Ён удзельнічаў і ў новых выбарах прэзідэнта ў кастрычніку і выйграў першы тур. Затым вынік быў ануляваны, а другі тур адкладзены па прычыне скаргаў на фальсіфікацыі. Міжнародныя назіральнікі, аднак, сцвярджаюць, што працэс выбараў быў свабодным і справядлівым.
Махамед Нашыда ўзначаліў мірны пратэст у сталіцы краіны, Мале. Яго прыхільнікі ў суботу перакрылі галоўную вуліцу горада і селі распіваць гарбату з прысмакамі ў знак грамадзянскага непадпарадкавання.
Сідзячыя дэманстранты разгарнулі плакаты з лозунгамі «Выбары проста цяпер» і «Дзе мой голас?».
Цяперашні прэзідэнт Мальдываў Махамед Вахід Хасан - які ўжо зняў сваю кандыдатуру пасля дрэннага выніку ў першым туры - прапанаваў правесці паўторнае галасаванне 26 кастрычніка.
«Спадзяюся, што за тыдзень любыя спрэчныя пытанні можна будзе згладзіць», — сказаў Хасан агенцтву Асашыэйтэд Прэс, дадаўшы, што хацеў бы зацвярджэння новага прэзідэнта да заканчэння свайго ўласнага тэрміну — 11 лістапада гэтага года.
Іншыя кандыдаты змагаюцца за тое, каб не дапусціць перавыбараў. Позна ўвечары ў пятніцу яны паспрабавалі дамагчыся ад Вярхоўнага суда прадпісання, якое забараняе галасаванне. Кандыдаты паскардзіліся, што не паспелі ўхваліць спісы выбаршчыкаў - гэта новае патрабаванне, нядаўна ўведзенае ў выбарчую працэдуру на Мальдывах.
Вярхоўны суд не стаў забараняць другі тур, аднак і не даў канкрэтнага ўказання працягваць выбары.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары