12-гадовая дзяўчынка зламала хрыбет падчас наведвання цырку ў Баранавічах
Выпадак адбыўся ў Баранавічах 20 кастрычніка ў цырку-шапіто. Дзяцей у антракце каталі на арэлях.
Трос раптам абарваўся, і трое дзяцей паляцелі ўніз з вышыні некалькіх метраў. З траўмамі іх даставілі ў гарадскую бальніцу. Сямігадоваму хлопчыку была аказана медыцынская дапамога без шпіталізацыі. 12-гадовай дзяўчынцы не пашанцавала.
Па словах яе мамы Яўгеніі пасля правядзення абследавання падазрэнні медыкаў на пералом хрыбта пацвердзіліся.
У дзяўчынкі зламаныя два хрыбетнікі, ёй нельга рухацца, і невядома, колькі часу дзіця правядзе на бальнічным ложку.
«Учора ў бальніцу прыходзіў дырэктар цырка, спрабаваў са мной паразмаўляць. Але пасля таго, як я даведалася дыягназ, размаўляць з ім я буду толькі ў судзе! Я хачу, каб ён паводле закона адказаў за сваю халатнасць», -- сказала Яўгенія.
Цяпер чытаюць
Лукашэнка сустрэўся са спецпасланнікам Трампа Кітам Келагам9
Каментары