Колькі можна зарабіць на высяканні кустоў у Швецыі? Малады беларус падзяліўся досведам
Хлопец у сваім тыктоку кажа, што зарабляе больш, чым у Польшчы, а за жыллё ў Швецыі ўвогуле нічога не плаціць.
20-гадовы Стас вырашыў зарабіць грошы на ноўтбук і пераезд у ЗША. Для таго хлопец спачатку паехаў працаваць у Польшчу, але яму здалося, што плацяць там мала.
Затое ў Польшчы беларус пазнаёміўся з мужчынам, які прапанаваў яму працу ў Швецыі — высякаць кусты ў лесе.
Стас пагадзіўся і цяпер зарабляе па 10 еўра на гадзіну. За месяц павінна атрымлівацца каля 2 тысяч еўра.
«Лес такі, што часам думаеш: «А можа, ну яго? Дадому ў Беларусь?» А потым згадваеш свае мэты, дзеля якіх ты ўсё гэта пачаў. І зноў сячэш», — кажа хлопец.
У невялічкім доміку каля лесу Стас жыве бясплатна — за яго адказны працадаўца. А вось прадукты даводзіцца набываць самастойна.
На 376 шведскіх крон (прыблізна 117 беларускіх рублёў) хлопец можа купіць хлябцы, малако, тварог, бананы, памідоры, яблыкі, лімон і авакада, кашу, два пратэінавыя батончыкі, курыныя крылы, замарожаную гародніну і слоічак «Нутэлы».
У выходны дзень Стас ходзіць у саўну — за 8 еўра там можна і папарыцца, і паплаваць. Месца нагадвае беларусу аквапарк: ёсць трампліны для скокаў у ваду, горкі і нават салярый.
-
У выніку пажару на «Кераміне» аб'ём вытворчасці заўважна ўпадзе. А ўзгаранне магло быць ускосным наступствам санкцый
-
Нацбанк хоча забараніць у Беларусі разлікі з дапамогай крыптавалют
-
Мяркуючы па пасажырапатоку транспарту, насельніцтва Беларусі з 2019-га скарацілася, можа, нават на 1,2 мільёна чалавек
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары