Грамадства5959

Беларускія школьнікі стварылі дзіцячы блакпост на мяжы з Украінай. У іх савецкія нашыўкі і медаль «удзельніка СВА»

Школьнікі патрулююць ваколіцы і дакладваюць памежнікам аб падазроных машынах.

Скрыншот відэа СТБ

Беларускія школьнікі арганізавалі дзіцячы блакпост у вёсцы Глыбоцкае за кіламетр ад мяжы з Украінай. Атрад стварылі хлопцы, якія на лета прыехалі да сваіх бабуль у вёску.

Кіруе блакпастом 14-гадовы Даніла са школы ў Гомелі. Ён ходзіць у кепцы з вялікай нашыўкай у выглядзе савецкага сцяга і нават з пагонамі старшага лейтэнанта. Такое неафіцыйнае званне яму прысвоілі мясцовыя памежнікі, паведамляе СТБ.

Яшчэ адзін хлопец з атрада прымацаваў да гімнасцёркі дзіўныя медалі. Адзін з іх з вялікай літарай Z — сімвал расійскай агрэсіі супраць Украіны. Гэта адзін з шматлікіх варыянтаў медаля «За ўдзел у аперацыі па дэмілітарызацыі і дэнaцыфікацыі Украіны». Такія медалі ўручаюць удзельнікам поўнамаштабнай вайны. Але іх можна набыць і ў інтэрнэце.

Скрыншот відэа СТВ

Удзельнікі дзіцячага памежнага атрада патрулююць мясцовасць з 9 раніцы штодзённа. Яны запісваюць даныя падазроных, па іх меркаванні, машын і выяўляць падазроных людзей. 

Яшчэ школьнікі праходзяць тэарэтычную і практычную падрыхтоўку на мясцовай пагранзаставе. Часам памежнікі бяруць хлопцаў на праверку падазронага транспарту.

Добраахвотны атрад узяў сабе назву «Беларусь». Школьнікі прыдумалі сабе статут з 20 правілаў і абралі пазыўныя. Каб патрапіць у склад групы, трэба прайсці адбор — падлеткі ацэньваюць фізічную падрыхтоўку кандыдата і асабістую матывацыю. Судзячы па рэпартажы, у атрадзе ўдзельнічаюць як мінімум 5 чалавек. Для сюжэта на дзяржТБ лідару атрада нават выдалі аўтамат.

Скрыншот відэа СТБ

Камандзір атрада Даніла як узнагароду за ініцыятыву атрымаў ад памежнікаў сапраўдную вайсковую форму. Хлопец кажа, што марыць стаць памежнікам, але здароўе не дазваляе. Ён нават напісаў ліст Лукашэнку, у якім расказаў, што ў краіне ёсць дзеці, якія мараць абараняць Радзіму. 

Каментары59

  • маленькие ублюдки
    08.07.2025
    Нет, ну сволота конкретная
  • Абу
    08.07.2025
    [Рэд. выдалена]
  • Санкции, дайте еще
    08.07.2025
    Нужно больше санкций! Еще больше! Вколотить, ногами запихать в русский мир. Эти дети - это только начало, еще 5 лет санкций и изоляции, и тут будет зоопарк не хуже Донецка.

Цяпер чытаюць

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

Макрон заявіў пра гатоўнасць адправіць ва Украіну 50 тысяч вайскоўцаў6

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць