Анатоля Паплаўнага звальняюць з працы фармальна «ў сувязі са сканчэннем працоўнага кантракту», які быў падпісаны з ім год таму.
Анатоль Паплаўны пяць гадоў адпрацаваў слесарам-інструмэнтальшчыкам на вытворчым унітарным прыватным прадпрыемстве «Віпра».
Ніякіх спагнаньняў за гэты час ня меў. Гэта адзначана і ў паведамленьні аб звальненьні. «Дзякуем за добрасумленную працу!» — напісаў сьлесару дырэктар ВУПП «Віпра» Ігар Шчыгельскі.
«У нашай краіне, як бачым, не патрэбна добрасумленная праца, а трэба палітычная ляяльнасьць, і тады будзеш мець добрую працу на доўгія гады. Чатыры гады я працаваў на «Віпры», і не было праблемаў.
І вось год таму, як прыйшоў новы дырэктар, Ігар Шчыгельскі, ён ва ўльтыматыўнай форме патрабаваў заключыць кантракт на адзін год, хоць да гэтага я, як і большасьць супрацоўнікаў, працавалі па бестэрміновых працоўных дамовах.
Прычым у шчырай прыватнай гутарцы дырэктар мне адкрыта сказаў, што ён робіць гэта на просьбу ці загад супрацоўніка КДБ. Дырэктар мне патлумачыў: маўляў, ты ж разумееш, я хачу тут застацца працаваць і не хачу, каб з-за цябе былі праблемы», — пракамэнтаваў сваё звальненьне Анатоль Паплаўны.
Праваабаронца за сваю грамадзкую дзейнасьць ня раз прыцягваўся да адміністрацыйнай адказнасьці, летам 2011 году падчас маўклівых акцыяў пратэсту быў вымушаны адбыць у ІЧУ 15-суткавы адміністрацыйны арышт.
Браў актыўны ўдзел у назіраньні за выбарамі, паведамляюць праваабаронцы-вясноўцы.
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары