На Майдане Незалежнасці стартавала юбілейнае, дзясятае Народнае Веча.
На «народнае веча» прыйшлі больш за 70 тыс. чалавек, перадае AFP. Многія прыйшлі з парасонамі ў падтрымку тэлеканала «Дождж», трансляцыя якога заўтра, 10 лютага, можа быць адключаная на ТриколорТВ.
Веча пачалося з агульнай набажэнства з удзелам усіх канфесій. Прадстаўнікі праваслаўя нагадалі, што сёння Царква пачынае падрыхтоўку да Вялікага паста і заклікалі ўсіх, у тым ліку і чыноўнікаў да пакаяньня.
Прамаўляюць прадстаўнікі апазіцыйных сілаў.
Як адзначыў у сваім выступе актывіст Ігар Луцэнка, «Майдану трэба сфармаваць легітымныя органы ўлады, каб ўмець і здолець сябе абараніць, cфармаваць сілу, якая зможа абараніць нашу рэвалюцыю».
Паводле яго слоў, «улада і тыя сілавікі, што яго дапытвалі, не могуць паверыць, што ва Украіне могуць і павінна быць некарумпаваная ўлада і некарумпаваныя суды».
У сваю чаргу актывістка і журналістка Таццяна Чарнавіл заявіла: «Я ведаю, што вельмі нас баіцца Януковіч, нас баіцца Пуцін».
«Яны не прывыклі мець справу з такімі, як мы. Яны нас не ведаюць. Мы падняліся за сваю краіну, за свае сем'і, дзяцей. Таму яны нічога не могуць з намі зрабіць ужо некалькі месяцаў».
***
Пасля завяршэння Веча для ўдзельнікаў Майдана выступяць ўкраінскія музычныя групы.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары