За апошнія 10 гадоў у пераліку на 100 тысяч насельніцтва ў Беларусі ў 7 сем разоў павялічылася колькасць нарказалежных, паведамляе газета МУС «На страже».
Сёння на ўліку знаходзяцца звыш за 16 тысяч чалавек, яшчэ некалькі тысяч адбываюць пакаранне ў месцах пазбаўлення волі і праходзяць лячэнне ананімна.
Паведамляецца, што большасць зарэгістраваных у краіне наркаманаў — ва ўзросце 20—40 гадоў.
Аднак у апошні час у 14,5 разы павялічылася колькасць пацыентаў наркадыспансераў, маладзейшых за 15 гадоў.
Зарэгістраваны выпадкі, калі ў дапамозе спецыялістаў мелі патрэбу нават васьмігадовыя дзеці.
Паводле звестак цэнтра маніторынгу за наркотыкамі і наркаспажываннем, найбольшая колькасць залежных ад псіхаактыўных рэчываў зарэгістравана ў Мінску (у 1,5 разы вышэй за сярэдні па краіне паказчык) і Гомельскай вобласці (каля 17% усіх выпадкаў наркаманіі), найменшая — у Магілёўскай.
Сярод гарадоў з самай напружанай сітуацыяй — Салігорск (амаль кожны другі наркаспажывец тут ВІЧ-інфікаваны), Пінск, Светлагорск, Ваўкавыск і Жлобін.
Цяпер чытаюць
Сын Сяргея Бульбы збірае грошы ў Польшчы, прыдумаўшы сабе біяграфію ветэрана і палітычнага ўцекача28
Каментары