Паведамленне пра дарожна-транспартнае здарэнне на 88 км трасы Р-58 Мінск — Мядзел паблізу в. Ерхі Вілейскага раёна паступіла ў 18.31 16 лютага.
Адбылося лабавое сутыкненне аўтамабіляў «Фольксваген Бора» і «Опель Зафіра», паведамляе 112.by
Як расказаў «Рэгіянальнай газеце» намеснік начальніка Вілейскага РАУС, начальнік міліцыі грамадскай бяспекі Андрэй Дударчык, які выязджаў на месца ДТЗ, аўтамабіль «Фальксваген-Бора», на якім ехалі пяць чалавек, занесла на праязной частцы і бокам вынесла на сустрэчную, па якой рухаўся «Опель-Зафіра». Усе спробы кіроўцы прадухіліць страшнае здарэнне былі безвыніковымі. Адбылося сутыкненне.
Усе, хто ехаў у «Фальксвагене», загінулі: кіроўца, яго родны брат, жыхар Мінска, жонка брата і іх малое дзіця. Хлопчыку 12 снежня споўніўся годзік. Васьмігадовая старэйшая дачка загінулых мужа і жонкі цяпер у цяжкім стане знаходзіцца ў рэанімацыі ў Маладзечанскай дзіцячай бальніцы.
«Хуткая» забрала ўсіх, каму магчыма было дапамагчы. Мужчына і жанчына, жыхары Мядзельшчыны, якія ехалі ў «Опелі-Зафіра», цяпер у Вілейскай цэнтральнай раённай бальніцы.
Здарэнне магло адбыцца з-за дрэннага стану гумы. Пярэднія колы аўтамабіля «Фольксваген-Бора» былі ў нармальным стане, а заднія – зношаныя.
«Хутчэй за ўсё, менавіта гэта і стала прычынай здарэння, – лічыць Андрэй Дударчык. – Таму што дарожнае пакрыццё там нармальнае».
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці39
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары