Рэспубліка Беларусь адбылася як суверэнная дзяржава, найвышэйшай каштоўнасцю і безумоўным прыярытэтам якой з'яўляецца чалавек і яго законныя інтарэсы. Пра гэта гаворыцца ў віншаванні Аляксандра Лукашэнкі да Дня Канстытуцыі, які адзначаецца 15 сакавіка.
«Прыняты два дзесяцігоддзі таму Асноўны Закон замацаваў важнейшыя прынцыпы пабудовы ў нашай краіне дэмакратычнай дзяржавы, заклаў трывалы прававы фундамент незалежнасці, рэалізаваў імкненне беларускага народа быць паўнапраўным гаспадаром на роднай зямлі», — цытуе віншаванне Лукашэнкі прэс-служба.
«Адзначаючы 20-годдзе Канстытуцыі і ацэньваючы маштабныя перамены, якія адбыліся ў жыцці беларусаў за такі кароткі па гістарычных мерках перыяд, мы з гонарам і поўнай упэўненасцю гаворым: Рэспубліка Беларусь адбылася як суверэнная дзяржава, найвышэйшай каштоўнасцю і безумоўным прыярытэтам якой з'яўляецца чалавек і яго законныя інтарэсы», — упэўнены кіраўнік дзяржавы.
На думку Лукашэнкі, «мы дынамічна рухаемся наперад, развіваем эканамічную і сацыяльную сферы, павышаем свой міжнародны аўтарытэт, рэалізуем абвешчаныя ў Асноўным Законе прынцыпы народаўладдзя, вяршэнства права, раздзялення ўладаў і сацыяльнай справядлівасці».
Беларускі кіраўнік перакананы, што, «абапіраючыся на палажэнні Канстытуцыі, мы і надалей зробім усё для ўмацавання міру і згоды ў роднай Беларусі, росту дабрабыту і працвітання беларускага народа».
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары