Беларусь прапанавала Расеі сумесна будаваць новую чаргу газаправоду Ямал‑Эўропа. «Газпрам» гатовы скарыстацца ёй дзеля ціску на Ўкраіну.
У мінулую пятніцу міністар энэргетыкі Беларусі Аляксандар Азярэц паведаміў пра падрыхтаваны беларускім урадам зварот да расейскага прэм’ер‑міністра з прапановай разгледзець праект пабудовы другой чаргі газаправоду Ямал‑Эўропа ў абыход Украіны, паведамляе ўкраінскі «Коммерсант». Паводле праекту прапускная здольнасьць гэтага газаправода можа быць супастаўнай зь першай ніткай газаправода Nord Stream (27,5 млрд куб. м), а сам праект будзе таньнейшым. У выпадку рэалізацыі праекту, будаўніцтва адбудзецца ў два этапы: пабудова газаправоду ад кампрэсарнай станцыі «Нясьвіж» да мяжы з Польшчай, затым, пасьля супастаўленьня патрэбы газу ў Эўропе і магчымасьцяў яго здабычы ў Расеі, працяг ніткі газаправоду да расейскай тэрыторыі.
Расейскі бок пакуль не сьпяшаецца прыняць прапанову Беларусі: бо ў выніку ўвядзеньня Эўрасаюзам новых павілаў ў энэргапалітыцы «Газпрам» можа старціць кантроль над дзеючым газаправодам Ямал‑Эўропа на тэрыторыі Польшчы. Нагадаем, што беларускі бок ужо прапаноўваў
Расеі вярнуцца да плянаў пабудовы другога адгалінаваньня трубаправоду, прапануючы ў абмен бясплатны транзыт газу цягам пяці год. Тады паведамлялася, што гэты варыянт ня быў уключаны ў інвэст‑праграму 2008 г. «Газпраму» праз адсутнасьць чаканага падвышэньня аб’ёму закупак газу Польшчай.
Аднак прапанову беларускага ўраду «Газпрам» гатовы скарыстаць, каб прымусіць Украіну перадаць сваю газатранспартную сыстэму ў кіраваньне ўтворанаму ў 2001 г. кансорцыюму. Дадзеная пазыцыя будзе даведзеная да ўкраінскага ўраду цягам наступных перамоваў наконт цэнаў на газ.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу1
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8282
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне82
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары