Парламент Беларусі ў першым чытанні прыняў папраўкі па пакаранні за няправільную паркоўку
Беларускія дэпутаты прынялі сёння ў першым чытанні папраўкі ў шэраг законаў па пытаннях забеспячэння бяспекі дарожнага руху.
Як адзначыў намеснік міністра ўнутраных спраў Мікалай Мельчанка, гаворка ідзе аб парушэннях правілаў спынення і стаянкі транспартных сродкаў, а таксама іх прымусовай эвакуацыі і адбуксоўкі.
У прыватнасці, прапануецца замацаванне магчымасці прыцягнення вадзіцеляў да адказнасці за парушэнне правілаў спынення і стаянкі транспартных сродкаў на падставе фіксацыі правапарушэння спецыяльнымі тэхнічнымі сродкамі, якія працуюць у аўтаматычным рэжыме і маюць функцыі фота-і кіназдымкі, відэазапісу, па аналогіі з перавышэннем устаноўленай хуткасці. Гэтая мера накіраваная на барацьбу з парушальнікамі, чые дзеянні перашкаджаюць нармальнай працы сацыяльных, камунальных, дарожных службаў, парушаюць правы і законныя інтарэсы грамадзян.
У законапраекце значная ўвага надаецца комплекснаму ўрэгуляванню прымусовай адбуксоўкі (эвакуацыі) транспартных сродкаў, іх адбуксоўкі без памяшчэння на ахоўную стаянку.
Акрамя таго, у дакуменце асобна замацаваныя нормы аб адміністрацыйнай адказнасці за перавышэнне асобай, якая кіравала транспартным сродкам, ўстаноўленай хуткасці руху, зафіксаванай спецыяльнымі тэхнічнымі сродкамі, якія працуюць у аўтаматычным рэжыме і маюць функцыі фота-і кіназдымкі, відэазапісу. Пры гэтым прадугледжана дакладнае ўказанне памеру санкцый за такія правапарушэнні.
У законапраекце знайшлі адлюстраванне пытанні ўзмацнення адказнасці за кіраванне транспартнымі сродкамі, якія не прайшлі дзяржаўны тэхагляд.
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары