Лоўля ўсіх відаў рыбы, акрамя сома, дазволена ў Беларусі з 31 мая, паведамляе БелТА са спасылкай на старшыню рэспубліканскага дзяржаўна-грамадскага аб'яднання «Беларускае таварыства паляўнічых і рыбаловаў Юрыя Шумскага.
«Згодна з дзеючай рэдакцыяй Правіл вядзення рыбалоўнай гаспадаркі і рыбалоўства, 30 мая заканчваецца забарона на лоўлю ўсіх відаў рыбы, пры гэтым з 31 мая ўводзіцца забарона на здабычу сома», - сказаў Юрый Шумскі.
Працягнута забарона на лоўлю водных жывёл — прэснаводнай крэветкі (да 15 чэрвеня) і рака вузкапалага (да 15 ліпеня).
Як вядома, летам мінулага года шырака разышлася вестка, што Лукашэнка злавіў сома вагой 57 кг.
Кіраўнік Беларусі на нарадзе 30 ліпеня 2013 г. распавёў пра рыбалку на Прыпяці: «Палец сунеш, за палец рыба хапае! Я асабіста… 57 кілаграмовага сома выцягнуў: 57, 24 і 7 кілаграмаў. Трох самоў злавіў!».
Прысутны на нарадзе віцэ-прэм’ер Міхаіл Русы пажартаваў: «З мяне ростам». «Ну не вагой жа», — сказаў Аляксандр Лукашэнка.
Сёлета сома ўжо не зловіш — забарона.
Пра сома на адзнацы 7.40
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве3
Каментары