16 чэрвеня ў Мінску адчынілася выстава ў рамках праекта «Анатомія».
«Anatomia» — міжнародны праект у вобласці візуальных мастацтваў, аб'ектам даследавання якога з'яўляюцца праблемы ўспрымання цела (межы цела, самаідэнтыфікацыя, разбурэнне цялесных стэрэатыпаў, эратычнае ўспрыманне цела) і цялеснасць.
Першая выстава ў рамках праекта адбылася ў красавіку 2013 года ў горадзе Віцебску на дзвюх вядучых пляцоўках: Арт-цэнтры Марка Шагала і Віцебскім цэнтры сучаснага мастацтва.
І нарэшце, нягледзячы на шматлікія арганізацыйныя праблемы, выстава пабачыла свет у Мінску, дзякуючы аўтару і куратару праекта Дзіне Даніловіч.
Выстава атрымалася даволі правакацыйнай і інтымнай. Працы 18 фотамастакоў прадстаўлены ў некалькі залах.
Што цікава, выстава праходзіць не ў прыватнай галерэі. Нягледзячы на фармат, памяшканне вылучыў дзяржаўны цэнтр сучасных мастацтваў. Вялікі будынак са шматлікімі покоямі і белымі заламі з прыгожым аздабленнем, ствараюць ідэальную атмасферу для вывучэння межаў чалавечага цела.
Выставу можна наведаць да 11 ліпеня.
Адрас: Цэнтр сучасных мастацтваў, г. Мінск, вул. Някрасава, 3
Час працы: 11.00 – 17.30
Выходныя: субота, нядзеля.
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу15
Каментары