Яўгенія Васільева, якая знаходзіцца пад хатнім арыштам у Маскве па абвінавачаннях у карупцыйных злачынствах, выставіла ў Твітары свае партрэты палітычных і грамадскіх дзеячаў — Аляксея Навальнага, Дзмітрыя Пяскова, Ксеніі Сабчак. Сярод іх ёсць і Аляксандр Лукашэнка. Яго партрэт Васільева суправадзіла свежай цытатай пра тое, што «адзін чалавек з камп'ютарам можа быць небяспечнейшы за 10 з ружжом».
Жывапісам Васільева захапілася пад арыштам. Яе абвінавачваюць у злачыннай дзейнасці, звязанай з продажам нерухомасці і крадзяжом грашовых сродкаў ААТ «Абаронсэрвіс», падкантрольнага Мінабароны РФ.
Шкода, прычыненая дзеяннямі Васільевай, складае больш за 3 мільярды расійскіх рублёў.
Васільева не адмаўляе, што знаходзілася «ў блізкіх адносінах» з міністрам абароны Расіі Анатолем Сердзюковым. Самога Сердзюкова, дарэчы, амніставалі.
4 кастрычнік 2013 Яўгеніі Васільевай і іншым пяці фігурантам крымінальнай справы было прад'яўленае абвінавачванне ў канчатковай рэдакцыі. 1 лістапада следчыя дзеянні ў дачыненні да яе былі завершаны. У лютым 2014 Масгарсуд падоўжыў Васільевай меру стрымання (хатні арышт) да 23 ліпеня.
Каментары