У Нацыянальным аэрапорце Мінск днём 9 ліпеня супрацоўнікамі ўпраўлення па наркакантролі і процідзеянні гандлю людзьмі МУС Беларусі сумесна з калегамі з ГУУС Мінгарвыканкама быў затрыманы трафікёр — грамадзянін усходнеазіяцкай краіны.
Як паведамляе МУС, падчас аператыўна-вышуковых мерапрыемстваў устаноўлена, што фігурант завербаваў і спрабаваў вывезці на сваю радзіму дзвюх мінчанак для сексуальнай эксплуатацыі ў бардэлях, уладальнікам якіх з'яўляецца яго знаёмы.
Зламыснік — малады чалавек 1990 года нараджэння, нядаўні выпускнік прэстыжнай беларускай ВНУ. Цяпер вядома як мінімум яшчэ пра два факты вярбоўкі ім беларускіх дзяўчат для прастытуцыі.
Партызанскім (Мінска) раённым аддзелам Следчага камітэта ў дачыненні да затрыманага распачатая крымінальная справа. За такія дзеянні заканадаўствам прадугледжана пакаранне ў выглядзе пазбаўлення волі на тэрмін да 10 гадоў з канфіскацыяй маёмасці.
Усяго ў 2014 годзе супрацоўнікамі падраздзяленняў па процідзеянні гандлю людзьмі МУС перакрыты 10 каналаў пастаўкі «жывога тавару» за мяжу. Выяўлена 19 злачынстваў, звязаных з вывазам 25 пацярпелых за мяжу.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі4
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3737
Каментары