Праз 13 гадоў раскрыта і накіравана ў суд крымінальная справа па абвінавачанні 34-гадовага грамадзяніна ў згвалтаванні, наўмысным забойстве, учыненым з асаблівай жорсткасцю, спалучаным са згвалтаваннем.
Як паведаміла старшы памочнік пракурора Гомельскай вобласці Надзея Самусева, злачынства было ўчынена на адной з вуліц Гомеля ў жніўні 2001 года.
Абвінавачваны, раней неаднаразова судзімы, у тым ліку за згвалтаванне, у позні час сустрэў у двары аднаго з жылых дамоў 18-гадовую дзяўчыну, з мэтай згвалтавання напаў на яе, пераадольваючы супраціўленне, нанёс пацярпелай мноства ўдараў, збіўшы яе з ног. Пасля згвалтавання злачынца задушыў ахвяру. Забраўшы залаты ланцужок, сярэбраныя завушніцы, дамскую сумачку з грашамі і асабістымі рэчамі абвінавачваны з месца злачынства збег.
«Злачынства не засталося нераскрытым. Абвінавачваны выкрыты сабранымі доказамі, арыштаваны і паўстане перад судом. За ўчыненне названых злачынстваў мужчыне можа быць прызначана пакаранне ў выглядзе пазбаўлення волі на тэрмін ад 8 да 25 гадоў, пажыццёвае зняволенне або смяротная кара. Вінаватасць і пакаранне абвінавачванаму будуць вызначаны судом», — сказала старшы памочнік пракурора.
Крымінальная справа расследавана следчым упраўленнем УСК Беларусі па Гомельскай вобласці.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах10
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары