Жыхар амерыканскага горада Сіэтл выпадкова спаліў свой дом, калі спрабаваў забіць павука.
Фота з сайта Komonews.
Мужчына пабачыў членістаногае ў пральні і вырашыў знішчыць яго. Для гэтага гаспадар дома ўзяў аэразольны балон з фарбай, падпаліў струмень запальнічкай і накіраваў яго на жывёлу, перадае партал Komonews.
Нажаль, полымя перакінулася на рэчы ўнутры пакоя, а мужчына не здолеў пагасіць пажар самастойна.
Пажарныя змаглі захаваць дом, аднак прычыненыя шкода ацэньваецца ў 60 тысячаў даляраў.
Падобны выпадак адбыўся ранеў у Канзасе, дзе 34-гадовая жанчына спаліла свой двухпавярховы дом, калі намагалася знішчыць павука з дапамогой аэразолю і запалак.
Каментары