З 25 ліпеня Мінгандлю ўзмоцніць праверкі на рынках і ў гандлёвых цэнтрах, паведаміў на прэс-канферэнцыі 23 ліпеня ў Мінску міністр гандлю Валянцін Чаканаў. Раней заяўлялася пра ўзмацненне праверак з 22 ліпеня.
«Мы з 25 ліпеня выйдзем на рынкі і яшчэ раз скажам, што дзяржава патрабуе ад тых, хто там гандлюе. Я маю на ўвазе забарону на гандаль няякасным таварам, без сертыфіката. Як было сказана, да 1 сакавіка 2015 года дазволена прадаваць рэшткі тавараў, купленых да 1 ліпеня 2014 года. З 1 сакавіка трэба будзе мець усе неабходныя дакументы, адпаведныя тэхрэгламенту Мытнага саюза», — падкрэсліў кіраўнік ведамства.
Ён таксама заявіў пра ўзмацненне працы з уладальнікамі гандлёвых цэнтраў. Яны павінны забяспечваць гандлёвыя месцы і электрычнасцю для падключэння касавых апаратаў, і ведаць, дзе знаходзяцца кнгі скаргаў і прапаноў і г. д.
Паводле слоў Чаканава, Мінгандлю праводзіць вялікую працу па ўзаемадзеянні аптовых кампаній і індывідуальных прадпрымальнікаў. «Вялікай зацікаўленасці ў нашых прадпрымальнікаў пакуль няма, але першыя вынікі ёсць — прыкладна на 600 млрд. рублёў і імпартнага, і айчыннага тавару прададзена 34 аптовымі структурамі», — паведаміў міністр. «Я ўпэўнены, што скептыкі, якія гаварылі, што спыняць працу на рынках, не маюць рацыі. Людзі перабудуюцца, будуць працаваць з якасным таварам, і мы дасягнем галоўнай мэты — тавар павінен прадавацца якасны», — заявіў Чаканаў.
Створаная год таму гандлёвая інспекцыя правяла больш як 3 тыс. праверак і маніторынгаў і ў 97% арганізацый выявіла парушэнні і недахопы па тэрмінах прыдатнасці, па недакладнай інфармацыі для пакупнікоў і г. д.
Цяпер чытаюць
Разведка ЗША: Беларусь стала перадавым вайсковым плацдармам Расіі20
Каментары