Першыя грузавікі з расійскай гуманітарнай дапамогай заехалі на лінію мытнага кантролю расійскага пункта пропуску «Данецк».
«У цяперашні час расійскія і ўкраінскія мытнікі прыступілі да агляду грузаў першых чатырох Камазаў гуманітарнага канвою», — сказаў агенцтву «Інтэрфакс» прадстаўнік Паўднёвага мытнага ўпраўлення Раян Фарукшын.
Агенцтва ІТАР-ТАСС таксама паведамляе, што першы грузавік з расійскай гуманітарнай дапамогай перасёк расійскую мяжу і спыніўся на тэрыторыі ўкраінскага КПП «Ізварына».
Карэспандэнт агенцтва Reuters.com пацвярджае, што грузавікі ў цяперашні час пачалі рух у напрамку да мяжы з Украінай.
КаМАЗы заехалі на нейтральную тэрыторыю паміж прапускнымі пунктамі РФ і Украіны. Пакуль незразумела, ці можна ўжо казаць пра фармальны ўезд на тэрыторыю суседняй дзяржавы, адзначае агенцтва.
12 жніўня каля 270 грузавікоў з гуманітарнай дапамогай выехалі з Маскоўскай вобласці.
Паводле расійскіх уладаў, грузавікі вязуць ва Украіну амаль 2 тыс. тон харчавання, вады, дзіцячага харчавання і медыцынскіх тавараў.
14 жніўня аўтакалона падышла да ўкраінскай мяжы і да апошняга часу знаходзілася ў Растоўскай вобласці.
-
Пуцін на закрытай сустрэчы з буйнымі бізнэсменамі прапанаваў ім добраахвотна прафінансаваць вайну з Украінай
-
У ЗША збіраюцца выпускаць даляры з подпісам Трампа
-
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары