…заявіў Лукашэнка ў інтэрвію газэце «Эль Паіс» і паабяцаў абдумаць умовы Эўразьвязу.
Беларусь і Еўрасаюз павінны развіваць дыялог. Такую думку выказаў кіраўнік дзяржавы Аляксандр Лукашэнка ў інтэрв’ю іспанскай газеце «Эль Паіс», паведамілі БЕЛТА у прэс‑службе прэзідэнта.
«Краіны ЕС могуць ставіць жыццёва важныя для іх праблемы, не ўмешваючыся ў нашы ўнутраныя справы, прынамсі, на гэтым этапе. Вельмі важна, каб ЕС не ўзводзіў жалезную заслону вакол Беларусі і каб мы развівалі дыялог», — сказаў кіраўнік дзяржавы.
«Еўропа сёння не хоча нармалізацыі адносін з Беларуссю. Таму што вельмі ў свой час далёка зайшла, а сёння трэба, захаваўшы твар, з гэтага выйсці. Хопіць рашучасці ў Еўрапейскага саюза гэта зрабіць, мы будзем сядзець за адным сталом, весці дыялог, калі мы хочам быць бліжэй. Мы гэтага хочам і ўсюды аб гэтым гаворым. А Еўрапейскі саюз не хоча, і ён выстаўляе нам непрымальныя ўмовы. Навошта ўмовамі абазначаць наш дыялог? Не трэба», — падкрэсліў Аляксандр Лукашэнка.
На яго думку, Беларусь шмат зрабіла крокаў насустрач Еўрасаюзу, якія былі праігнараваны ЕС.
«Мы іх (умовы ЕС. — Заўвага БЕЛТА) абдумаем, але я не ўпэўнены, што калі прымем гэтыя ўмовы, еўрапейцы адгукнуцца. У еўрапейцаў няма сур’ёзнага падыходу да Беларусі, за выключэннем, магчыма, Германіі, у якой больш прагматычная пазіцыя і якая спрабуе зразумець сітуацыю. Палітыка немцаў умераная і зыходзіць з рэальнай сітуацыі. У любой дэмакратычнай дзяржаве павінна быць апазіцыя, але немцы бачаць недахопы тутэйшай апазіцыі і пытаюцца ў сябе, ці карэктныя яны ў адносінах да нас. Я не магу сказаць гэтага ў адносінах да іншых. Нам застаецца толькі чакаць і назіраць. Мы больш падрыхтаваныя, чым Польшча або краіны Балтыі, для ўступлення ў ЕС», — адзначыў прэзідэнт.
Цяпер чытаюць
Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў3
Каментары