Галоўны трэнер мюнхенскай «Баварыі» Хасэп Гвардыёла выступіў за незалежнасць Каталоніі ад Іспаніі.
Спецыяліст зняў відэаролік у падтрымку рэферэндуму аб незалежнасці Каталоніі, правядзенне якога прызначана на 9 лістапада.
«Кожны каталонец хоча сам вырашаць, якім будзе яго жыццё», - заявіў ураджэнец Барселоны.
Раней настаўнік «Баварыі» не раз выказваў ідэю аддзялення Каталоніі ад Іспаніі і неаднаразова выступаў на розных мітынгах, паведамляе lenta.ru.
Дадамо, што падчас свайго знаходжання ў Мінску ў верасні 2011 г. тагачасны галоўны трэнер «Барселоны» Гвардыёла прынцыпова даў дзве прэс-канферэнцыі — клуб гуляў з БАТЭ у Лізе чэмпіёнаў — па-каталонску.
Рух за незалежнасць Каталоніі налічвае больш стагоддзя. Паводле неафіцыйных апытанняў, звыш 90 працэнтаў жыхароў аўтаноміі выступаюць за поўнае аддзяленне ад Іспаніі. Правядзенне запланаванага на 9 лістапада рэферэндуму было афіцыйна забаронена іспанскім парламентам.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь7
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары