У выніку пажару ў Мінску загінуў чалавек, трое выратаваныя.
Як паведамляе Міністэрства па надзвычайных сітуацыях Беларусі, 13 верасня ў 9.44 у цэнтр аператыўнага ўпраўлення Мінскага гарадскога ўпраўлення МНС ад жыхароў дома паступіла паведамленне аб загаранні ў кватэры па вул. Матусевіча, 4, корп.2.
Пасля прыбыцця да месца выкліку аддзялення ПАВЧ-26 па знешніх прыкметах назіраўся дым моцнай канцэнтрацыі з вокнаў кватэры на другім паверсе пяціпавярховага дома. У ходзе разведкі было ўстаноўлена, што адбылося загаранне маёмасці, дзвярных і аконных праёмаў двухпакаёвай кватэры на плошчы 45 кв. метраў, якая належыць пенсіянерцы 1952 года нараджэння. Гаспадыня на момант пажару дома адсутнічала, пражывае з сынам 1976 года нараджэння, ён пакінуў палаючую кватэру самастойна да прыбыцця падраздзяленняў МНС.
Работнікамі МНС быў выратаваны кватэраздымшчык — жанчына 1963 года нараджэння. Яна знаходзілася на балконе ў падпаленай кватэры, выратавана па трохкаленнай лесвіцы, не пацярпела. Пенсіянерка 1937 года нараджэння была знойдзеная на лесвіцы паміж 2 і 3 паверхам ў непрытомным стане, пасля агляду брыгадай хуткай медыцынскай дапамогі была дастаўлена ў бальніцу хуткай дапамогі з дыягназам: атручэнне прадуктамі гарэння. З кватэры на трэцім паверсе выратавана пенсіянерка 1939 нараджэння. Яе пасля агляду брыгадай хуткай медыцынскай дапамогі даставілі ў 4-ю ГКБ з дыягназам: атручэнне прадуктамі гарэння.
З кватэры на трэцім паверсе быў эвакуіраваны пенсіянер 1932 года нараджэння ў непрытомным стане. Пасля агляду брыгадай хуткай медыцынскай дапамогі быў дастаўлены ў 4-ю ГКБ з дыягназам: атручэнне прадуктамі гарэння. У 11.52 сканаў.
Работнікамі МНС з размешчаных вышэй кватэр пад'езда без сродкаў выратавання былі эвакуіраваны 15 чалавек. Пажар ліквідаваны ў 10.04.
У выніку пажару пашкоджана маёмасць, дзвярныя і аконныя праёмы на плошчы 45 кв. метраў, закураны кватэра і пад'езд. Прычына пажару высвятляецца, меркаваная — неасцярожнае абыходжанне з агнём пры курэнні ў нецвярозым стане сынам гаспадыні падпаленай кватэры. Аўтаматычнымі пажарнымі апавяшчальнікамі кватэра не была абсталявана.
Каментары