Гэта не Мілан і не Сіцылія.
Трэвэл-журналістка Кейтлін Разаці аб'ездзіла ўсю Італію. У артыкуле для Business Insider яна назвала свой любімы рэгіён, куды вяртаецца з задавальненнем.
Гэта Базіліката. «Рэгіён, які я наведала шэсць разоў з 2021 года і які я лічу найлепш захаванай таямніцай краіны», — піша яна.
Базіліката знаходзіцца ў Паўднёвай Італіі, паміж Апуліяй і Калабрыяй. Гэты рэгіён журналістка любіць за яго пагоркі і кухню.
Да таго ж, там нешматлюдна. Па стане на 2024 год насельніцтва ўсяго рэгіёна Базіліката складае менш за 550 000 чалавек, у той час як насельніцтва Рыма — каля 3 мільёнаў.
Базіліката аточана морам з двух бакоў — на поўдні Іанічным, а на захадзе Тырэнскім морам.
Сярод турыстаў вядомае Амальфітанскае ўзбярэжжа ў Італіі. Журналістка прапануе альтэрнатыву — пляжы Маратэа.
Ежа ў Базілікаце выходзіць далёка за межы піцы і пасты.
Peperone crusco — або хрумсткія чырвоныя перцы — займаюць асобнае месца ў кухні Базілікаты. Яны падаюцца амаль з усім.
«Я ела іх з рознымі стравамі з пасты (асабліва pasta mollicata, паста, пасыпаная сухарамі), і я нават ела іх, пакрытыя шакаладам, у невялікай кандытарскай у Піньёле», — піша журналістка.
Аматары сыру будуць рады паспрабаваць качакавала. Гэты сыр у форме кроплі звычайна вырабляецца з авечага малака (хоць можа вырабляцца і з каровінага), і падобны да правалоне.
Цяпер чытаюць
Лукашэнка сустрэўся з прадстаўніком Трампа Джонам Коўлам2
Лукашэнка сустрэўся з прадстаўніком Трампа Джонам Коўлам
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары
У краі з тузін замкаў і манастыроў, якія сваю гісторыю беруць з рымскага, візантыйскага (праз гэта назва рэгіёна - зямля візантыйцаў) ці з гіспанскага часу.
Хто такое любіць - самае тое пахадзіць, палазіць
А антычная назва краю - Луканія, захавалася ў назвах гор і прозвішчах жыхароў