Сёння цэнтральная плошча Амстэрдама ператварылася ў поле бою, дзе «зброяй» сталі памідоры.
Па словах арганізатараў, «памідорны бой», ідэю якога запазычылі ў іспанскага фестываля «Ла Тамаціна», стаў знакам пратэсту супраць забароны на імпарт прадуктаў харчавання з краін ЕС, які Расія ўвяла 7 жніўня.
Квіткі на памідорны бой каштавалі 15 еўра, і было прададзена каля тысячы квіткоў. Сабраныя сродкі пойдуць фермерам, якія вырошчваюць памідоры і церпяць ад санкцый.
Многія ўдзельнікі бою казалі, што прыйшлі на плошчу не столькі дзеля пратэсту супраць палітыкі Крамля, а для таго, каб павесяліцца.
Арганізатары бою закупілі 120 тысяч памідораў, непрыдатных для спажывання ў ежу. Пасля «бою» сабраныя рэшткі памідораў будуць адпраўленыя на завод па вытворчасці біяпаліва.
Каментары