Краіны Балтыі дамовіліся аб стварэнні сумеснага камітэта, які будзе каардынаваць пытанні, звязаныя з унутранай бяспекай і грамадскім парадкам.
Адпаведнае пагадненне 16 верасня ў Рызе падпісаў з міністрам унутраных спраў Латвіі Рыхардам Казлоўскісам кіраўнік унутрыпалітычнага ведамства Літвы Дайліс Алфонсас Баракаўскас, піша Delfi.lt.
17 верасня ён плануе падпісаць пагадненне і ў Таліне з кіраўніком МУС Эстоніі Хана Пеўкур.
«Мы падпісалі (пагадненне) у Латвіі. Гэта супрацоўніцтва трох краін у сферы грамадскай і ўнутранай бяспекі, каб аб'яднаць існуючы ва ўсіх трох дзяржаў патэнцыял, калі ў якой-небудзь краіне здарыцца бяда», — сказаў Баракаўскас.
Па словах міністра, агульны камітэт экспертаў «будзе рэагаваць на ўсе пагрозы, не толькі з Расеі».
«Плануецца, што на працягу двух тыдняў кожная краіна павінна будзе назваць прадстаўнікоў, якіх яна дэлегуе ў каардынацыйны камітэт, і эксперты будуць сустракацца па чарзе ў трох дзяржавах Балтыі», — сказаў ён.
Падпісанне пагадненняў звязана з ростам у балтыйскіх краінах занепакоенасці адносна магчымых правакацый з боку Расеі, піша выданне.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары