Krainy Bałtyi damovilisia ab stvareńni sumiesnaha kamiteta, jaki budzie kaardynavać pytańni, źviazanyja z unutranaj biaśpiekaj i hramadskim paradkam.
Adpaviednaje pahadnieńnie 16 vieraśnia ŭ Ryzie padpisaŭ ź ministram unutranych spraŭ Łatvii Rychardam Kazłoŭskisam kiraŭnik unutrypalityčnaha viedamstva Litvy Dajlis Ałfonsas Barakaŭskas, piša Delfi.lt.
17 vieraśnia jon płanuje padpisać pahadnieńnie i ŭ Talinie z kiraŭnikom MUS Estonii Chana Pieŭkur.
«My padpisali (pahadnieńnie) u Łatvii. Heta supracoŭnictva troch krain u śfiery hramadskaj i ŭnutranaj biaśpieki, kab abjadnać isnujučy va ŭsich troch dziaržaŭ patencyjał, kali ŭ jakoj-niebudź krainie zdarycca biada», — skazaŭ Barakaŭskas.
Pa słovach ministra, ahulny kamitet ekśpiertaŭ «budzie reahavać na ŭsie pahrozy, nie tolki z Rasiei».
«Płanujecca, što na praciahu dvuch tydniaŭ kožnaja kraina pavinna budzie nazvać pradstaŭnikoŭ, jakich jana delehuje ŭ kaardynacyjny kamitet, i ekśpierty buduć sustrakacca pa čarzie ŭ troch dziaržavach Bałtyi», — skazaŭ jon.
Padpisańnie pahadnieńniaŭ źviazana z rostam u bałtyjskich krainach zaniepakojenaści adnosna mahčymych pravakacyj z boku Rasiei, piša vydańnie.
Kamientary