Затрыманая ў Непале беларуска Вольга Каптур 24 верасня вылецела на радзіму, паведамілі ў прэс-службе МЗС Беларусі.
«Дзякуючы сумесным дзеянням пасольства Беларусі ў Індыі і ганаровага консула Непала ў Рэспубліцы Беларусь у кароткія тэрміны было вырашана пытанне па вызваленні беларускай грамадзянкі. Паводле рашэння суда яна аштрафавана за парушэнне міграцыйнага заканадаўства і за знаходжанне на тэрыторыі Непала без сапраўднай візы. Пасля выплаты ўсіх штрафаў беларуская грамадзянка вечарам 24 верасня вылецела ў Беларусь», — паведамілі ў МЗС.
Раней паведамлялася, што 25-гадовая Вольга Каптур з Жодзіна прыехала ў Непал у якасці валанцёра і выкладчыка англійскай мовы для сацыяльна-адукацыйнага праекта Schoolfornepal. 14 верасня яна планавала вылецець у Кітай, аднак была затрымана ў аэрапорце Катманду і змешчана ў турму.
Прычынай затрымання сталі дакументы дзяўчыны: яна самастойна выправіла даты дзеяння сваёй візы, што прыцягнула ўвагу пагранічнікаў. На такую незаконную працэдуру, як паведамляецца, Каптур пайшла з-за таго, што сезон дажджоў і блакаваная дарога перашкодзілі ёй пакінуць краіну ва ўстаноўлены тэрмін.
-
ДАІ прапануе замяніць невялікія маршруткі аўтобусамі большай умяшчальнасці
-
«Асноўны інструмент — генетычная экспертыза». У Следчым камітэце расказалі, як раскрываюць забойствы даўно мінулых гадоў
-
У адкрытым доступе апублікавалі базу 4000 штатных супрацоўнікаў КДБ, імёны агентаў і інфарматараў не называюць
Каментары