У пяцёрку самых танных гарадоў Еўропы ўваходзяць Бялград (Сербія), Прага (Чэхія), Будапешт (Венгрыя), Заграб (Харватыя) і Любляна (Славенія).
Да такой высновы прыйшлі ў нямецкім клубе аўтааматараў ADAC пасля адпаведнага даследавання.
Крытэрыямі адбору ў першую чаргу з'яўляліся: кошт экскурсіі па горадзе ў суправаджэнні гіда, аплата за праезд у грамадскім транспарце, кошты паштовак, рахунак за абед у рэстаране. Што тычыцца кошту, то паводле ўсярэдненых падлікаў, у гэтых краінах сярэдні чэк на двухдзённы ўікэнд выйдзе да 70 еўра (без уліку выдаткаў на пражыванне).
«Асабліва трэба адзначыць, што ў Празе і ў Будапешце вельмі танная ежа і напоі ў рэстаранах, але ў гэтых гарадах параўнальна дарагі грамадскі транспарт», — адзначаецца ў даследаванні.
У сваю чаргу, самымі дарагімі еўрапейскімі сталіцамі па турызме сталі Осла (Нарвегія), Парыж, Лондан і Капенгаген (Данія). Напрыклад, два дні ў Осла ў сярэднім абыдуцца ў 153 еўра, без уліку выдаткаў на пражыванне і дарогу.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары