З-за АЧС пагалоўе свіней у Беларусі скарацілася на 18%
Да ўспышкі афрыканскай чумы свіней іх колькасць была роўнай 3,304 млн.
Валавая вытворчасць сельгаспрадукцыі ў Беларусі за 10 месяцаў гэтага года павялічылася на 1,8% у дачыненні да студзеня—кастрычніка 2013 года. Пра гэта паведаміў намеснік міністра сельскай гаспадаркі і харчавання Васіль Седзін.
Што да прадукцыі раслінаводства, то, зазначыў ён, сёлета атрыманы найвышэйшы ўраджай за ўсе мінулыя гады.
«Мы атрымалі 10 млн. 260 тыс. тон. Гэта больш за адну тону на чалавека. Такога высокага выніку ў нас ніколі не было»,
— сказаў Седзін, дадаўшы, што гэта дазволіць забяспечыць Беларусь харчаваннем і фуражнымі рэсурсамі ў поўным аб'ёме.
Апрача таго, па выніках 10 месяцаў гэтага года валавая вытворчасць малака павялічылася на 1,8% у параўнанні са студзенем—кастрычнікам 2013 года.
«Крышку менш мы атрымалі выхад мяса. З-за афрыканскай чумы свіней мы знізілі пагалоўе на 18%. Гэта адбілася на вытворчасці мясной прадукцыі»,
— зазначыў Седзін. Да ўспышкі АЧС у Беларусі налічвалася 3,304 млн. свіней. У наступным годзе Мінсельгасхарч плануе аднавіць пагалоўе, якое было да АЧС. Для гэтага ў Беларусі будуюцца некалькі сучасных свінакомплексаў.
Між тым, паводле слоў Седзіна, пагалоўе кароў за 10 месяцаў павялічылася больш чым на 2% да леташняга ўзроўню і склала 1 млн. 380 тыс. галоў.
Цяпер чытаюць
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі7
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары