У сталіцы Фінляндыі Хельсінкі ў нядзелю адбудзецца адкрыццё традыцыйнай каляднай вуліцы на Aleksanterinkatu з удзелам фінскага Санта-Клаўса Joulupukkі, які, як вядома, жыве на поўначы краіны. Свята пачынаецца ў 14.30 на Сенацкай плошчы, а святочныя агні запальваюцца а 16.00.
Парад з Ёулупукі, гномамі, снегавікамі, аленямі і казачнымі персанажамі пройдзе ад Сенацкай плошчы па вуліцы Aleksanterinkatu ў бок Mannerheimintie, збочыць на Pohjoisesplanadi і вернецца назад на Сенацкую плошчу да 17.00.
Мерапрыемства праводзіцца на Aleksanterinkatu з 1949 года.
Праўда, снегу ў Хельсінкі пакуль няма, але хутка, па прагнозах сіноптыкаў, Паўднёвую Фінляндыю, у тым ліку, сталічны рэгіён накрые моцны снегапад. Месцамі можа выпасці да 10 сантыметраў снегу.
Каментары