Украінскія перамовы пакуль зайшлі ў мінскі тупік + ФОТЫ, зробленыя з-за акна
Пасяджэнне кантактнай групы па ўрэгуляванні сітуацыі ў Данбасе прайшло ў комплексе Dipservice Hall на Вайсковым завулку ў закрытым рэжыме.
Рэзідэнцыя на Вайсковым бачыла Пуціна і Кастра.
Паседжанне доўжылася больш за пяць гадзін. Яго вынікі невядомыя, бо па заканчэнні ўдзельнікі перамоваў адразу раз'ехаліся, не стаўшы размаўляць з прэсай.
У перамовах удзельнічалі афіцыйны прадстаўнік дзейнага старшыні АБСЕ па пытаннях ўрэгулявання сітуацыі ва Украіне Адэльхейд Тальявіні, былы прэзідэнт Украіны Леанід Кучма, пасол Расіі ў Кіеве Міхаіл Зурабаў і прадстаўнікі сепаратыстаў з так званых Луганскай і Данецкай «народных рэспублік» — Уладзіслаў Дэйнега і Дзяніс Пушылін.
Напярэдадні Адэльхейд Тальявіні паведамляла, што на сустрэчы ў Мінску плануецца абмеркаваць чатыры блокі пытанняў:
спыненне агню усімі бакамі,
адвод усімі бакамі цяжкай тэхнікі,
абмен палонных «ўсіх на ўсіх»,
дастаўкі гуманітарных грузаў на падкантрольныя баевікам тэрыторыі для прадухілення гуманітарнай катастрофы.
Ці адбудзецца другі раўнд перамоваў 26 снежня, пакуль невядома.
Сам факт перамоваў у такім складзе — перамога Масквы, бо ўдзел у размовах так званых сепаратыстаў легітымізуе самаабвешчаныя ДНР і ЛНР. З другога боку, Украіна не мае іншага выйсця. Ваенная перавага Расіі агромністая, і толькі цаной вялізных ахвяраў, пераважна сярод добраахвотнікаў, украінцам удалося спыніць націск новарасійскіх штурмавікоў. Таму і Кіеў, і Вашынгтон, і Брусэль высока цэняць перамовы, арганізаваныя хоць бы ў такім фармаце. У іх ёсць і заслуга Аляксандра Лукашэнкі. Маскве і Данецку цяжэй адхіляць ідэі мірнага вырашэння канфлікту, калі яны сыходзяць ад палітыка, папулярнага ў Расіі і Данбасе.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу1
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8282
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне82
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары