Пра гэта паведамілі ва ўпраўленні Следчага камітэта па Мінску.
У праваахоўныя органы звярнуўся мінчук, які паведаміў аб здзяйсненні ў дачыненні да яго супрацьпраўных дзеянняў. «Увечары 25 снежня на аўтастаянцы ў аднаго з гандлёвых цэнтраў чацвёра мужчын гвалтоўна пасадзілі яго ў аўтамабіль і вывезлі з горада. У лясным масіве паблізу Мінскага мора зламыснікі звязалі пацярпелага скотчам і патрабавалі вярнуць грашовы доўг аднаму з іх, затым збілі і з'ехалі, пакінуўшы звязаным. Пацярпеламу ўдалося самастойна вызваліцца і дабрацца да горада», — паведамілі ва УСК.
У выніку сумесных мерапрыемстваў супрацоўнікі Фрунзенскага РАСК і Фрунзенскага РУУС на працягу сутак выявілі асобы падазраваных, яны затрыманыя. Чацвярым мінчукам ва ўзросце 23-25 гадоў прад'яўленыя абвінавачванні ў выкраданні чалавека, якое было здзейснена ў групе, па папярэдняй змове, з ужываннем гвалту. У дачыненні да абвінавачаных абраная мера стрымання ў выглядзе заключэння пад варту.
Распачатая крымінальная справа па прыкметах злачынства па п.6 ч.2 ст.182 (выкраданне чалавека) Крымінальнага кодэкса Беларусі.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары