Антынаркатычны дэкрэт парушыў работу беларускіх плацежных сістэм
Аб абмежаваннях у рабоце плацежных сервісаў праз дэкрэт «Аб неадкладных мерах па процідзеянні незаконнаму абароту наркотыкаў» распавядае Electroname.
Праект «МТС Грошы», што дазваляў рабіць плацяжы з рахунку мабільнага тэлефону, часова прыпыніў работу з 1 студзеня 2015 года.
Сістэма плацёжных тэрміналаў QIWI прыпыніла папаўненне электроных кашалькоў Belqi, EasyPay і WMB, але абяцае паведаміць аб магчымасці аднаўлення паслуг.
Прыпыніла сваю дзейнасць і сістэма мабільных плацяжоў iPay.
Пакуль не адкрывае новыя рахункі Belqi – новыя правілы вымагаюць працэдуру ідэнтыфікацыі карыстальніка ў «Прыёрбанку» (у цяперашніх уладальнікаў на ідэнтыфікацыю ёсць час да 1 сакавіка). Такое жа правіла ўвялі W1 Bel, ідэнтыфікацыі патрабуе і WebMoney.
У мэтах барацьбы з продажам наркотыкаў Дэкрэт №6 увёў абавязковую ідэнтыфікацыю ўладальнікаў электронных кашалькоў у плацёжных сістэмах, што дзейнічаюць на тэрыторыі Беларусі. Акрамя таго, былі павялічаныя пакаранні для гандляроў наркотыкамі, МУС атрымала дадатковыя паўнамоцтвы, уведзенае паняцце «аналагу наркотыкаў», створаная сістэма ўліку наркаманаў, узмоцнены кантроль у інтэрнэце.
Цяпер чытаюць
Беласток на вушах праз знікненне актывіста Вайцяхоўскага, суседа памерлага шпіёна Усера. А той цішком вярнуўся ў Беларусь14
Каментары