Парашэнка прывітаў калядоўшчыкаў у рэзідэнцыі, папрасіў маліцца за салдат ВІДЭА
Прэзідэнт Украіны Пятро Парашэнка запісаў каляднае віншаванне, у якім павіншваваў суграмадзян з Раством і падкрэсліў неабходнасць захоўваць веру ў Бога.
У роліку Парашэнка з сям'ёй сустракаюць калядоўшчыкаў, спяваюць разам з імі, а потым ён звяртаецца да ўсіх украінцаў з 2-хвілінным віншаваннем.
«Да хрысіянскай еўрапейскай цывілізацыі наша краіна належыць ужо больш за тысячу год, але менавіта сёння нараджаецца зноў. І нашыя планы змяніць жыццё да лепшага ўсіх грамадзян Украіны здейсняцца толькі пры ўмове, што мы будзем шанаваць Бога, не будзем парушаць святых Яго запаветаў», — кажа прэзідэнт, стоячы з сям'ёй сярод маладых калядоўшчыкаў.
Украіна першы раз у сваёй найноўшай гісторыі святкуе Каляды ў ваенных умовах — Расія захапіла ўкраінскі Крым, пад кантролем расійкіх баевікоў знаходзяцца часткі тэрыторыі Данецкай і Луганскай абласцей, кожны дзень працягваюцца абстрэлы.
«Езус сказаў, што няма большай за тую любоў, калі нехта аддае душу сваю за сяброў сваіх. Таму ў гэтыя святочныя дні асабліва молімся за нашых вояў. І няхай Пан захавае іх жыцці», — дадаў Парашэнка, які належыць да Украінскай Праваслаўнай Царквы Маскоўскага Патрыярхата.
Ён з сям'ёй святкуе Раство ў прэзідэнцкай рэзідэнцыі ў вёсцы Гута на Івана-Франкоўшчыне, сёння ён таксама наведаў старажытны праваслаўны кляштар у Маняўскім скіце. Гэты кляштар належыць цяпер Украінскай Праваслаўнай Царкве Кіеўскага Патрыярхата.
Як украінскія праваслаўныя, гэтак і грэка-каталікі на тэрыторыі Украіны святкуюць Раство па юліанскім календары.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2222
Каментары