Гандбалісты моладзевай (U21) зборнай Беларусі прабіліся ў фінальную частку чэмпіянату свету-2015 у Бразіліі.
У заключным паядынку адборачнага турніру ў Джаковіцы (Косава) беларуская дружына 11 студзеня адолела аднагодкаў з Швейцарыі — 27:25 (першы тайм - 14:12).
У двух іншых матчах кваліфікацыі зборная Беларусі таксама атрымала перамогі: над зборнымі Чарнагорыі (31:25) і Косава (35:25).
Беларусь — 6, Швейцарыя — 4, Чарнагорыя — 2, Косава — 0.
Гулец зборнай Беларусі Глеб Гарбуз стаў найлепшым снайперам ўсяго еўрапейскага адборачнага турніру да ЧС-2015.
Ён закінуў 25 мячоў у трох матчах. Яго бліжэйшы канкурэнт славак Лукаш Урбан вызначыўся 24 разы, расіянін Аляксандр Шкурынскі — 23.
Вызначыліся пераможцы і астатніх 7 кваліфікацыйных груп еўрапейскага кантынента, якія заваявалі пуцёўкі на чЧС які пройдзе з 19 ліпеня па 2 жніўня ў Бразіліі. Уладальнікамі пропускаў на першынство планеты, акрамя каманды Беларусі, сталі таксама зборныя Расіі, Францыі, Галандыі, Нарвегіі, Румыніі, Іспаніі і Сербіі.
Акрамя таго, раней прамы допуск на ЧС-2015 атрымалі яшчэ тры еўрапейскія зборныя — Данія, як папярэдні чэмпіён свету (U-20), а таксама пераможца і сярэбраны прызёр леташняга чэмпіянату Еўропы (U-20) — каманды Германіі і Швецыі.
Усяго за тытул чэмпіёна свету будуць змагацца 24 зборныя.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары