У Мінску 16 студзеня ДАІ заахвоціць кіроўцаў, якія падрыхтаваліся да зменаў у ПДР, паведаміла старшая інспектарка па агітацыі і прапагандзе АДАІ Фрунзенскага РУУС Алена Волчак.
«У Мінску пройдзе акцыя-рэйд «У новы год па абноўленых правілах». Акцыя пачнецца ў 08.30. Галоўная мэта мерапрыемства — прафілактыка дарожна-транспартных здарэнняў і выяўленне парушэнняў, звязаных з указам №483, які ўносіць змены і дапаўненні ў ПДР і ўступіў у сілу», — распавяла Алена Волчак.
Старшы інспектар патлумачыла, што тыя кіроўцы, якія ўсталявалі зімовую гуму на аўтамабілі, атрымаюць падарункі. Тым, якія праігнаравалі дадзенае патрабаванне ўказа, пагражае штраф да 1 базавай велічыні. Адзначаныя будуць і кіроўцы, якія перавозяць дзяцей у спецыяльных прыладах. Яны таксама атрымаюць падарункі. Да аўтааматараў, якія парушаюць заканадаўства ў гэтай частцы, будзе ўжыта адміністрацыйнае спагнанне ў выглядзе штрафу да 4 базавых велічынь. Таксама парушальнікам інспектары ДАІ падораць купон на 5% зніжку на пакупку аўтакрэсла.
Каментары